Yanvarın 24-də Azərbaycan Basketbol Liqasında (ABL) 12-ci turun oyunlarına start verilib. Turun ilk oyun günündə iki qarşılaşma təşkil olunub. Turun açılış oyununda “Xəzri” və “Cəlilabad” komandaları qarşılaşıb. “Sərhədçi” İdman Mərkəzində təşkil olunan oyun “Xəzri” komandasının qələbəsi ilə yekunlaşıb -100:81.
Günün ikinci oyununda isə çempionatın vahid lideri olan “Sabah” pley-off zonasında qərarlaşan "Xırdalan" klubu ilə üz-üzə gəlib. Əlavə vaxta gedən gərgin oyunun yekununda “Xırdalan” basketbolçuları 107:103 hesablı qələbə qazanıb.
