Kişi voleybolçular arasında Azərbaycan çempionatında növbəti oyunların keçirilmə yeri və vaxtı dəqiqləşib.
Azərbaycan Voleybol Federasiyasının mətbuat xidmətindən verilən məlumata görə, ölkə çempionatının növbəti matçları martın 27-də və 29-da təşkil olunacaq.
Martın 27-də saat 17:00-da “Murov Az Terminal” Voleybol Klubunun idman zalında MOİK və “Neftçi” komandaları üz-üzə gələcək. Həmin gün Gənclər və İdman Nazirliyinin Voleybol Mərkəzində isə “Azərreyl” və “Murov Az Terminal” komandaları qarşılaşacaq. Matç saat 17:00-da başlayacaq və “CBC Sport” kanalı vasitəsilə canlı yayımlanacaq.
Martın 29-da təşkil olunacaq Yüksək Liqanın növbəti matçında “Murov Az Terminal” klubu MOİK-lə üz-üzə gələcək. GİN-nin Voleybol Mərkəzində təşkil olunacaq bu görüşün start fiti saat 17:00-da çalınacaq.
