Futbol üzrə Azərbaycan Premyer Liqasında XXX turunda növbəti oyun keçirilib. "Səbail" klubu doğma meydanda "Kəpəz"i qəbul edib. "ASCO Arena"da keçirilən görüş 3:3 hesabı ilə başa çatıb. Gəncəlilər fasiləyə 2:0 hesabı ilə üstün yollanıb. Lakin Şahin Diniyevin komandası ikinci hissədə geridönüş edərək 3:2 hesabı ilə önə keçib. Oyunun sonuna artırılan dəqiqələrdə isə bərabərlik qolunu vuran "Kəpəz" futbolçuları yekun hesabı müəyyənləşdiriblər - 3:3.
Bu nəticədən sonra xallarını 39-a çatdıran "Səbail" yeddinci pillədə qalıb. "Kəpəz" isə 30 xalla doqquzuncu yerdə qərarlaşıb.
