İlin yekun təsnifatına görə, cüdoçumuz Elxan Məmmədov (100 kq) birinci pillədəki mövqeyini qoruyub. 100 kq çəki dərəcəsində digər idmançımız Elmar Qasımov isə 8-ci yerdə qərarlaşıb. 60 kq çəki dərəcəsində İlqar Müşkiyev 12-ci, Orxan Səfərov 17-ci pillədədir. Abu-Dabidə təşkil olunan Qran-pri yarışında gümüş medala sahib çıxan Nicat Şıxəlizadə (66 kq) 9-cu, Rüstəm Orucov (73 kq) 15-ci, Tural Səfquliyev (81 kq) 34-cü, Şahin Qəhrəmanov isə (90 kq) 6-cı yerdədir.
Qadın cüdoçularının reytinq siyahısında Kifayət Qasımova (57 kq) 19-cu yeri tutur. Məlumat üçün qeyd edək ki, bu idman növündə Olimpiya oyunlarına lisenziya reytinq cədvəlinə əsasən verilir.
