Fransanın paytaxtı Parisdə keçirilmiş Yay Olimpiya Oyunlarında gümüş medal əldə edən Azərbaycan taekvondoçusu Qaşim Maqomedov dünya reytinqində 2024-cü ili ikinci pillədə başa vurub.
Bu, Dünya Taekvondosunun (World Taekwondo) rəsmi saytında dekabr ayı üçün açıqladığı reytinqdə əksini tapıb.
58 kq çəki dərəcəsində yer alan idmançının mövqeyində dəyişiklik olmayıb. O, 120 xalla ikinci sırada yer alıb.
Qaşim Maqomedovun Paris-2024-ün finalında məğlub olduğu Cənubi Koreya təmsilçisi Park Taejoon (200 xal) ilk sıradadır.
Qeyd edək ki, Qaşim Maqomedov qızıl medal uğrunda görüşdə zədələndiyi üçün gümüş medala sahib çıxmışdı
