“Racing Bulls” komandasının sürücüsü İsak Haccar Tokio şəhərində keçirilən şouda idarə etdiyi «RB7»nin ön qanadını sındırıb. Tədbir «Red Bull» və «Honda» arasında əməkdaşlığı qeyd etmək üçün Yaponiya Qran Prisindən əvvəl keçirilib. Xatırladaq ki, bu İsakın ilk qəzası deyil. O, Avstraliya Qran Prisi zamanı komandanın maşını ilə qəza törətmişdi. Baş vermiş hadisədən sonra meydana qayıdan Haccar göz yaşlarını gizlətməyib.
Məlumat üçün bildirək ki, fransalı pilot ilk iki Qran Pridə xal qazanmayıb. O, hazırda ümumi sürücülər sıralamasında 16-cı yeri tutur. Yaponiya Qran Prisi aprelin 4-dən 6-dək baş tutacaq.
3jpg-1743274653.jpg)
