Futbol üzrə UEFA Çempionlar Liqasının Liqa mərhələsində daha bir oyun keçirilib.
Olimpnews.az xəbər verir ki, İtalyanın "Atalanta" klubu doğma meydanda Belçikanın "Brügge" klubunu qonaq edib. Oyun meydan sahiblərinin 2:1 hesablı qələbəsi ilə yekunlaşıb. Matçda hesabı 38-ci dəqiqədə "Brügge" klubu Kristos Tzolis qolu ilə açıb. Lakin qarşılaşmanın 74-cü dəqiqəsində Lazar Samardziç penaltidən hesabdakı tarazlığı bərpa edib.
Oyunun 87-ci dəqiqəsində Mario Pasaliç "Atalanta"ya qələbə qazandıran qolu vurub.


