Ev sahibi qonaqla bacarmadı

Martın 13-də Rusiyanın Xantı-Mansiysk şəhərində start şahmat üzrə iddiaçılar turnirinə start verilib.

Xəbər verdiyimiz kimi, qrossmeysterimiz Şəhriyar Məmmədyarov bu yarışda Vişvanatan Anand (Hindistan), Vladimir Kramnik Dmitri Andreykin (hər ikisi Rusiya), Veselin Topalov (Bolqarıstan), Levon Aronyan (Ermənistan), Sergey Karyakin və Pyotr Svidler (hər ikisi Rusiya) kimi güclü şahmatçılara qarşı mübarizə aparır.

Ötən sayımızda yarışın ilk turu barəsində məlumat vermişdik. Birinci turda bolqarıstanlı Veselin Topalov görüşdə heç-heçəyə razılaşan şahmatçımız hələ ki, xal qazana bilmir. Növbəti turda təmsilçimiz ermənistanlı Levon Aronyana uduzub. 3-cü turda Şəhriyar hindistanlı keçmiş dünya çempionu Vişvanatan Anandla görüşü də məğlubiyyətlə başa vurub. O, növbəti turda rusiyalı Dmitri Andreykinlə üz-üzə gəlib. Şahmatçımız bu qarşılaşmanı öz xeyirinə başa vurub.

Qeyd edək ki, əsasnaməyə görə, şahmatçılar bir-biri ilə 2 dəfə (həm ağ, həm də qara fiqurlarla) üz-üzə gələcəklər.

Turnirin qalibi dünya şahmat tacı uğurunda görüşdə hazırkı dünya çempionu, norveçli Maqnus Karlsen ilə oynayacaq.

Ümumilikdə 14 turdan ibarət olan turnirə aprelin 1-də ekun vurulacaq.

1-ci tur

Dmitri Andreykin - Kramnik - 0,5:0,5

Sergey Karyakin - Petr Svidler - 0,5:0,5

Şəhriyar Məmmədyarov - Veselin Topalov - 0,5:0,5

Vişvanatan Anand - Levon Aronyan- 1:0

2-ci tur

Vladimir Kramnik - Sergey Karyakin - 1:0

Petr Svidler - Dmitri Andreykin - 1:0

Veselin Topalov - Vişvanatan Anand - 0,5:0,5