Bolqarıstanın Plovdiv şəhərində qadınlar arasında şahmat üzrə XV şəxsi çempionat keçiriləcək.
Turnirdə 23 ölkədən 103 şahmatçı, o cümlədən 58 qrossmeyster iştirak edəcək. Azərbaycanı 12 şahmatçı, o cümlədən qrossmeysterlər Gülnar Məmmədova, Zeynəb və Türkan Məmmədyarovalar, beynəlxalq ustalar Xəyalə Abdulla, Səbinə İbrahimova, Nərgiz Ümüdova, Nərmin Kazımova, FİDE-nin ustaları Nərmin Xələfova, Günay Məmmədzadə, habelə Aytən Əmrayeva, Nərmin Məmmədova və Nərmin Soyunlu təmsil edəcəklər.
Avropa çempionatı İsveçrə sistemi ilə 11 turdan keçiriləcək.
1-14-cü yerləri tutan şahmatçılar növbəti Dünya Kuboku yarışlarında iştirak edəcəklər. Turnirin ümumi mükafat fondu 60 min avrodur.
jpg-1720700530.jpg)
