Çingiz Hüseynzadə: “Ümid edirəm ki, yarışların sonuna qədər medal sayımız kifayət qədər çox olacaq”

Müsahibə

10.11.2025, 21:23

Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında Azərbaycan idmançılarının uğurlu çıxışları davam edir. Milli Olimpiya Komitəsinin vitse-prezidenti, İslam Həmrəyliyi İdman Assosiasiyasının (İSSA) ikinci vitse-prezidenti Çingiz Hüseynzadə Olimpnews.az saytına müsahibə verib. MOK rəsmisi müsahibəsində Azərbaycan idmançılarının çıxışlarını dəyərləndirib, əldə olunan nəticələr və qarşıdakı günlər üçün proqnozları barədə fikirlərini bölüşüb.

- Çingiz müəllim, artıq yarışların üçdə biri geridə qalıb. Azərbaycan idmançıları bir neçə idman növündə medallar qazanıblar. Milli Olimpiya Komitəsinin vitse-prezidenti kimi, ümumilikdə idmançılarımızın çıxışını necə qiymətləndirirsiniz?

- Yarışların müəyyən hissəsi başa çatıb və artıq müxtəlif idman növlərində medallarımız var. Bu gün komandamızdan daha bir sevindirici xəbər gəldi - cüdo üzrə qarışıq komanda yarışlarında Azərbaycan millisi möhtəşəm qələbə qazandı. Təmsilçilərimiz finalda güclü Özbəkistan yığmasını 4:0 hesabı ilə məğlub edərək fəxri kürsünün ən yüksək pilləsində yer aldılar. Bu uğur bir daha göstərdi ki, cüdo Azərbaycanda çox sürətlə inkişaf edir və ölkəmiz beynəlxalq cüdo ailəsində layiqli yer tutur. Bu münasibətlə cüdoçularımızı və Azərbaycan Cüdo Federasiyasını ürəkdən təbrik edirəm. Həqiqətən də bu, böyük nailiyyətdir.

Təbii ki, bu günə qədər daha yüksək nəticələr gözləyirdik, lakin idmanda hər şey proqnozlaşdırıldığı kimi olmur. Məsələn, Zelim Kotsoyevin fərdi yarışların finalında məğlub olması və digər gözlənilməz hadisələr nəticələrə müəyyən dərəcədə təsir göstərdi. Amma ümumilikdə, indiyədək idmançılarımızın çıxışlarını uğurlu hesab etmək olar.

- Üç qızıl medalın hər biri cüdodan gəldi. Digər idman növlərində idmançılarımızın hələ qızıl medal qazana bilməməsinin səbəbi nə ilə bağlıdır?

- Əslində, bizim əsas idman növlərimiz hələ yarışlara tam qoşulmayıb və bu da nəticələrə birbaşa təsir göstərir. Məsələn, Türkiyə komandası indiyədək qazandığı əsas medalları ağırlıqqaldırma yarışlarında əldə edib. Bizim isə bu növdə nəticələrimiz hələ istədiyimiz səviyyədə deyil. Bununla belə, hesab edirəm ki, qarşıdakı günlərdə medal sayımız artacaq. Nəzərə almaq lazımdır ki, bizim əsas “artilleriyamız” - yəni güləşçilərimizin çıxışı hələ qabaqdadır. Bundan əlavə, muay-tay idmançılarımız, atletlərimiz və basketbolçu qızlarımız da mübarizəyə hazırlaşırlar. Həmçinin, voleybol komandamızın da medal qazanmaq ehtimalı yüksəkdir. Ümid edirəm ki, yarışların sonuna qədər medal sayımız kifayət qədər çox olacaq.

- Konyadakı İslam Həmrəyliyi Oyunlarında 29 qızıl medalımız var idi. Sizcə, Ər-Riyadda idmançılarımız bu medal sayını üstələyə biləcəkmi?

- Çalışmalıyıq ki, bu medal sayı 30-a çatdırılsın. Ümid edirəm ki, bu mümkün olacaq və idmançılarımız bizi sevindirəcək.

- Çingiz müəllim, illər keçdikcə yarışlarda iştirak edən idmançıların səviyyəsi də yüksəlir. Bu da təbii olaraq rəqabətin artmasına səbəb olur. Yəqin ki, bu, yarışlara marağın artması ilə bağlıdır?

- Bəli, tam haqlısınız. Təxminən 20 il əvvəl Səudiyyə Ərəbistanında keçirilən I İslam Həmrəyliyi Oyunlarında yarışların səviyyəsi nisbətən aşağı idi. Ancaq bu gün vəziyyət tamamilə fərqlidir, səviyyə xeyli yüksəlib. Artıq İslam Həmrəyliyi Oyunları Beynəlxalq Olimpiya Komitəsi və Avropa Olimpiya Komitələri Assosiasiyası tərəfindən tanınır. Bu da yarışların daha yüksək standartlarda keçirilməsini təmin edir.

Eyni zamanda qeyd etmək istəyirəm ki, 20 il əvvəl İslam dünyasında idman nisbətən zəif inkişaf etmişdirsə, bu gün artıq çox güclü komandalar formalaşıb. Bunu Bəhreyn voleybol komandasının Türkiyə ilə oyununda, həmçinin cüdo yarışlarında Misir və Birləşmiş Ərəb Əmirliklərinin idmançılarının uğurlu çıxışlarında aydın görmək mümkündür. Bir sözlə, İslam ölkələrində idmanın keyfiyyəti və rəqabət qabiliyyəti əvvəlki illərlə müqayisədə xeyli irəliləyib.

- Çingiz müəllim, növbəti İslam Həmrəyliyi Oyunlarına hansı ölkə ev sahibliyi edəcək?

- Noyabrın 8-də Ər-Riyadda İslam Həmrəyliyi İdman Assosiasiyasının (İSSA) 14-cü Baş Assambleyası keçirildi. Orada qərar qəbul edildi ki, VII İslam Həmrəyliyi Oyunları 2029-cu ildə Malayziyada təşkil olunacaq. Bu Oyunlar müəyyən bir tsiklin finalı kimi keçirilməklə, Beynəlxalq Olimpiya Komitəsinin himayəsi altında təşkil olunacaq.

Dİgər xəbərlər

19.05.2026, 15:22

Çingiz Hüseynzadə: “İdmanın gözəlliyi onun ədalətindədir”

$Zemfira Meftaxetdinova: \"Çalışacağıq ki, veteranlarla bağlı turnirlər mütəmadi şəkildə təşkil olunsun”$

08.05.2026, 21:28

Zemfira Meftaxetdinova: "Çalışacağıq ki, veteranlarla bağlı turnirlər mütəmadi şəkildə təşkil olunsun”

06.05.2026, 10:10

Nazir Rəhimov: “Gözəl ailə xoşbəxt yaşamaq üçün əsas şərtdir”

29.01.2026, 15:46

“Ümid edirik ki, idmançılarımız Oyunlarda layiqli çıxış edəcəklər”

$\"Qarabağ\" Bundesliqada oynasa, neçənci yeri tutar?$

21.01.2026, 17:07

"Qarabağ" Bundesliqada oynasa, neçənci yeri tutar?

29.12.2025, 13:05

Azərbaycan dünyanın aparıcı idman ölkələrindən birinə çevrilib

$Fərid Qayıbov: \"Federasiyalardan olimpiadada hansı sayda idmançı ilə iştirak edə biləcəkləri ilə bağlı ilkin say almışıq\"$

29.12.2025, 13:05

Fərid Qayıbov: "Federasiyalardan olimpiadada hansı sayda idmançı ilə iştirak edə biləcəkləri ilə bağlı ilkin say almışıq"

29.12.2025, 12:47

Fərid Qayıbov: Azərbaycan beynəlxalq idman yarışları üçün etibarlı tərəfdaşdır

25.12.2025, 20:28

“Bu monoqrafiyam Qərbi Azərbaycan idmançıları barədə yazılmış geniş və əhatəli ilk nəşrdir”

$Nazir Rəhimov: \"Ağacan Abiyevin şərəfinə belə bir turnirin keçirilməsi çox təqdirəlayiqdir\"$

20.12.2025, 12:50

Nazir Rəhimov: "Ağacan Abiyevin şərəfinə belə bir turnirin keçirilməsi çox təqdirəlayiqdir"

08.12.2025, 21:43

Jalə Əliyeva: “Ardıcıl ikinci dəfə İslam Oyunlarının qalibi olmaq qürurvericidir” - MÜSAHİBƏ

08.12.2025, 14:14

Rəşad Rəsullu: “Əsas hədəflərimiz Bakıda keçiriləcək dünya çempionatı və Los-Anceles-2028 Olimpiya Oyunlarıdır” - MÜSAHİBƏ

SON XƏBƏRLƏR

BÜTÜN XƏBƏRLƏR