Gürcüstanın Poti şəhərində beynəlxalq qrossmeyster Nana Aleksandriyanın xatirəsinə həsr olunmuş "Nana Aleksandriya Kuboku 2014” turniri başa çatıb.
Ölkəmizi bu beynəlxalq turnirdə müxtəlif yaş qruplarında 37 şahmatçı təmsil edirdi. Turnir A - (əmsalı 2001-dən yuxarı olanlar), B (əmsalı 2000-dən az olanlar) qrupları və 12 yaşınadək uşaqlar arasında keçirilir.
A qrupunda mübarizə aparan təmsilçilərimizdən Ülvi Bacarani aktivinə 6.5 xal yazdıraraq, əlavə göstəricilərə görə turniri 5-ci pillədə başa vurub. Vüqar Rəsulov isə 5,5 xalla 10-cu yerin sahibi olub.
B qrupunda Elnur Mehdiyev,Vüqar Manafov və Mustafa Məmmədov 5.5 xal toplayaraq 17-19-cü yerləri bölüşdürüblər.
10 yaşlı oğlanlar arasında Aydın Süleymanlı aktivinə 6 xal yazaraq 5-ci pillənin sahibi olub. Mehin Taba-Tabei 7,5 xalla eyni yaş qızlar arasında 2-ci yerin sahibi olub.