Mayın 23-də Mərakeşin Rabat şəhərində cüdo üzrə "World Masters” beynəlxalq turniri start götürəcək. 50 ölkədən 225 (114 kişi, 111 qadın) cüdoçunun iştirak edəcəyi yarışda Azərbaycan idmançıları da qüvvələrini sınayacaqlar. Yarışda hər çəki dərəcəsi üzrə beynəlxalq reytinq cədvəlində ilk 16 pillədə qərarlaşan cüdoçular iştirak edəcəklər. 700 reytinq xalı verən turnirdə komandamız 6 cüdoçu ilə mübarizə aparacaq. Yarışda ölkəmizi baş məşqçi Hacıağa Hacıəhmədovun rəhbərliyi altında Orxan Səfərov, İlqar Müşkiyev (hər ikisi 60 kq), Nicat Şıxəlizadə (66 kq), Rüstəm Orucov (73 kq), Elmar Qasımov və Elxan Məmmədov (hər ikisi 100 kq) təmsil edəcəklər.
Turnirə mayın 24-də yekun vurulacaq.
jpg-1735119450.jpg)
