Oktyabrın 15-16-da Nizami rayon 109 saylı orta məktəbin idman zalında "Azəri” cüdo klubunun 5 illik yubileyinə həsr olunmuş cüdo turniri keçiriləcək.
Olimpnews.az saytının məlumatına görə, açıq birincilikdə 2003-2004-cü və 2005-2006-cı illər təvəllüdlü cüdoçular mübarizə aparacaqlar. Yarışın keçirilməsində məqsəd ölkədə bu idman növünü daha da inkişaf etdirmək, idmançıları vətənpərvərlik ruhunda tərbiyələndirmək, onlar arasında dostluq əlaqələrini inkişaf etdirmək və yeniyetmələtin ustalığını daha daha da artıqmaqdır.
Turnirin keçirilməsinə birbaşa rəhbərliyi "Azəri” Cüdo İctimai Birlik Təşkilatı edəcək.
Qeyd edək ki, turnir şəxsi xarakter daşıyacaq və nəzərdə tutulmuş beynəlxalq qaydalar çərçivəsində keçiriləcək. Yarışın ilk günü tatami üzərinə 2003-2004-cü illər təvəllüdlü idmançılar, növbəti gün isə 2005-2006-cı illər təvəllüdlü cüdoçular çıxacaqlar. Görüşlər hər gün saat 11-də başlayacaq.
Məlumat üçün bildirək ki, birincilikdə ilk 3 yeri tutan yeniyetmələr klub tərəfinfən diplom və medallarla mükafatlandırılacaqlar.
jpg-1735119450.jpg)
