Formula 1 üzrə Azərbaycan Qran-prisində 1300-dək marşal iştirak edəcək. Bu barədə Bakı Şəhər Halqası Əməliyyat Şirkətinin (BŞH) İctimaiyyətlə Əlaqələr Şöbəsinin müdiri Ayan Nəcəf-Ağayeva açıqlama verib. O bildirib ki, marşallardan təqribən 50-si əcnəbilərdir: "Onlar daha yaxşı mobilizasiya və kapsula mühitinin qorunub saxlanılması səbəbindən yarış müddətində Atletlər kəndində olacaq".
BŞH rəsmisi Azərbaycan Qran-prisinə ümumilikdə 500 könüllünün cəlb edilməsinin nəzərdə tutulduğunu da diqqətə çatdırıb: "Hazırda könüllülər işə başlayıb. Onların bütün təlimləri bitib və yarışa tam hazırdırlar".
Qeyd edək ki, Azərbaycan Qran-prisi 4 - 6 iyunda keçiriləcək.
1300-dək marşaldan 50-si əcnəbidir
![1300-dək marşaldan 50-si əcnəbidir](https://olimpnews.az/uploads/img/posts/2021/05/21/4685b0e1-867a-39aa-877c-cab008cd972b_850jpg-1621585393.jpg)