Bu gün Macarıstanın paytaxtı Budapeştdə cüdo üzrə dünya çempionatına start verilib. Olimpiada ərəfəsində təşkil olunan yarışda 118 ölkədən 665 (387 kişi, 278 qadın) cüdoçu mübarizə aparır. Çempionatda ölkəmiz 12 (9 kişi, 3 qdın) cüdoçu ilə təmsil olunur.
İlk yarış günündə komandamızın 4 üzvü tatami üzərinə çıxacaq. Kişilər 60 kq, qadınlar 48 kq çəki dərəcəsində hərəyə iki cüdoçu ilə təmsil olunacaqlar. Kişilərin yarışında 60 kq çəki qüvvəsini sınayacaq Davud Məmmədsoy 1/32 finalda Romarik Vend-Yam Buda (Fransa) ilə qarşılaşacaq. Bu çəki dərəcəsində mübarizə aparacaq digər çüdoçumuz Kəramət Hüseynov isə 1/32 finalda Mohammad Raşnonezad (İJF) ilə qarşılaşacaq.
Qadınların mübarizəsində isə Leyla Əliyeva (48 kq) 1/16 finalda Sabina Gilyazova (RJF) ilə üz-üzə gələcək. Bu çəki dərəcəsində çıxış edəcək Aişə Qurbanlı isə ilk görüşdə ispaniyalı Julia Fiqueroa ilə qarşılaşacaq.
Dünya çempionatına iyunun 13-də yekun vurulacaq.
Dünya çempionatı: ilk gündə 4 cüdoçumuz tatami üzərinə çıxacaq
