İdman və Ədalətli Oyunlar” müsabiqəsinə yekun vurulub

11:03 30.06.2021
2735

Azərbaycan Milli Olimpiya Komitəsi, Ədalətli Oyunlar Komissiyası və "Olimpiya dünyası” qəzetinin birgə təşkilatçılığı ilə aprelin 15-də start götürən "İdman və Ədalətli Oyunlar” mövzusunda rəsm müsabiqəsinə” iyunun 15-də yekun vurulub. 3-8 və 9-16 yaş qrupları üzrə keçirilən müsabiqəyə paytaxt və Naxçıvan MR ilə yanaşı 42 bölgədən ümumilikdə 2114 rəsm daxil olub. Onlardan 1560-ı 9-16 yaş qrupu, 554-ü 3-8 yaş qrupu üzrədir. Hər iki yaş qrupu üzrə qaliblərə pul mükafatları (3-8 yaş qrupu üzrə: I yer-300 AZN; II yer-200 AZN; III yer-100 AZN; 9-16 yaş qrupu üzrə: I yer-500 AZN; II yer-300 AZN; III yer-200 AZN) və diplom, 4-10-cu yerlərin sahiblərinə isə həvəsləndirici mükafatlar və diplom təqdim olunacaq.

Mövzuya uyğun çəkilmiş bütün rəsmlərin sahiblərinə əsərlər Təşkilat Komitəsinə təqdim edilməklə MOK-un Ədalətli Oyunlar Komissiyası tərəfindən Sertifikat veriləcəkdir. Bu barədə iştirakçılar email vasitəsilə məlumatlandırılacaqdır.

Qeyd edək ki, rəsmlər hər yaş qrupuna uyğun olaraq Azərbaycan Rəssamlar İttifaqını təmsil edən peşəkar jüri heyəti tərəfindən qiymətləndirilib. Seçim zamanı rəsmin mövzuya (Mövzu: "İdman və Ədalətli Oyunlar”) uyğunluğu, əsərin sahibi tərəfindən çəkilməsi, kompozisiyanın qurulması, işlənməsi və rəng ahəngi əsas götürülüb.

Jüri heyətinin tərkibi:

Ağaəli İbrahimov, Xalq Rəssamı, Professor, Əməkdar incəsənət xadimi, Rusiya İmperator Rəssamlıq Akademiyasının Fəxri üzvü

Arif Hüseynov, Xalq Rəssamı, professor

Ziyadxan Əliyev, Azərbaycan Rəssamlar İttifaqının Rəyasət Heyətinin üzvü, Əməkdar incəsənət xadimi, Sənətşünaslıq üzrə fəlsəfə doktoru

"İdman və Ədalətli Oyunlar” mövzusunda
rəsm müsabiqəsinqalib və mükafatçıları aşağıdakı kimidir

9-16 yaş qrupu üzrə mükafatçılar: