Azərbaycan Respublikasının Əməkdar Bədən Tərbiyəsi və İdman Xadimi Bakı Kəndlər Futbol Federasiyasinin prezidenti Vaqif Davudov Milli Olimpiya Komitəsi (MOK) tərəfindən təşəkkürnamə ilə təltif olunub. Təcrübəli mütəxəssis futbolda uzun müddətli səmərəli fəaliyyətinə, Anatoli Banişevskinin 75 illik yubileyi, Banişevski turnirinin 25 illiyi və Bakı Kəndlər Futbol Federasiyasının 15 illiyi münasibətilə mükafatlandırılıb. Göstərilən diqqət və qayğıya görə MOK rəhbərliyinə minnətdarlığını bildirən Vaqif Davudov gələcək illərdə də bu cür yarışların təşkil olunacağını, yeniyetmə və gənclərin futbola marağının artmasında və kütləviliyin təmin olunmasında əlindən gələni edəcəyini bildirib. Bakı Kəndlər Futbol Federasiyasinin prezidenti Vaqif Davudov da öz növbəsində "Bakı Kəndlər Futbol Federasiyasına A.A. Banişevski turnirininin 25 il ərzində keçirilməsində dəstək olduğu üçün” Milli Olimpiya Komitəsinin vitse-prezidenti Çingiz Hüseynzadəyə təşəkkürnamə təqdim edib.
Bakı Kəndlər Futbol Federasiyasının prezidenti MOK tərəfindən təşəkkürnamə ilə təltif olundu
jpeg-1712257275.jpeg)
