Dubayda keçirilən karate üzrə dünya çempionatında Azərbaycan karateçisi İrina Zaretska qızıl medal qazanıb. 68 kiloqram çəki dərəcəsində mübarizə aparan təmsilçimiz finalda italiyalı Silvia Semeraroya qalib gəlib. İrina Zaretska bununla da karyerasında 2-ci dəfə dünya çempionu adını qazanıb.
Kumite üzrə komanda yarışında isə yığmamız bürünc medal uğrunda Özbəkistanla üz-üzə gələcək.
Qeyd edək ki, bundan əvvəl karateçimiz Asiman Qurbanlı (+84 kq) dünya çempionatında bürünc medala sahib olub. Azərbaycan çempionata 17 karateçi ilə qatılıb. Çempionata noyabrın 21-də yekun vurulacaq.
İrina Zaretska ikinci dəfə dünya çempionu oldu
