Bu günlərdə “Judo Club 2012”də Azərbaycan Avrasiya Aykido və Budo Mərkəzinin prezidenti aykido döyüş növü üzrə 5-ci dan qara kəmər ustası Nazim Əliyevin rəhbərliyi və təşkilatçılığı ilə respublika seminarı keçirilib. Seminarın keçirilməsində əsas məqsəd aykido döyüş növünü ölkəmizdə populyarlaşdırmaq və əhalini bu idman növü ilə məşğul olmağa cəlb etməkdən ibarət olub.
Respublika seminarında Azərbaycan Avrasiya Aykido və Budo Mərkəzinin Bakı məktəblərinin - SABİS-İnternational, Əhmədli məktəbi, eləcə də Gəncə, Şəki Regional şöbələrinin, Oğuz filialının 70-ə yaxın idmançısı ilə yanaşı, Real Aykido Federasiyasının və Aykikay Mogenru İctimai Birliyinin idmançıları da yaxından iştirak ediblər.
Seminar zamanı Gəncə regional şöbəsinin rəhbəri,aykido döyüş növü üzrə 5-ci dan qara kəmər ustası Ramin Yusifov seminar iştirakçılarına tatamidə aykido fəndləri göstərməklə praktik məşqlər keçib.
jpeg-1712257275.jpeg)
