Bu gün Estoniyanın paytaxtı Tallinndə fiqurlu konkisürmə üzrə Avropa çempionatı start götürəcək.
Yanvarın 16-dək davam edəcək çempionatda ölkəmiz 4 idmançı ilə təmsil olunacaq. Şəxsi yarışlarda Yekaterina Ryabova və Vladimir Litvintsev güclərini sınayacaqlar. Yekaterina Kuznetsova – Aleksandr Kolosovski dueti cütlüklərin yarışında mübarizə aparacaqlar. Cütlüyümüz ilk dəfə qitə çempionatında çıxış edəcək.
Qeyd edək ki, Y.Ryabova və V.Litvintsev ölkəmizi Pekin-2022 Qış Olimpiya Oyunlarında da təmsil edəcəklər.
jpeg-1712257275.jpeg)
