Norveçli dünya çempionu Maqnus Karlsen İddiaçılar Turnirinin son qalibi olan rusiyalı Yan Nepomnyaşi ilə şahmat tacı uğrunda oyundan rəsmən imtina edib.
32 yaşlı qrossmeyster dünya çempionluğu matçında iştirak etməyəcəyini yazılı şəkildə təsdiqləyib.
Bildirilib ki, Karlsenin bu addımından sonra İddiaçılar Turnirində 2-ci yeri tutan çinli Din Liren Nepomnyaşi ilə qarşılaşmaya dəvət alıb.
2023-cü ildə təşkil olunacaq şahmat tacı uğrunda görüşün daqiq tarixi daha sonra açıqlanacaq.
Qeyd edək ki, Maqnus Karlsen daha əvvəl ölkəsinin mətbuatına verdiyi müsahibədə Yan Nepomnyaşi ilə görüşə çıxmayacağını bildirib.
Çempion şahmat tacı uğrunda oyundan imtina etdi
