Müasir quruluşda hazırlanmış Olimpiya himni yaxın günlərdə ictimaiyyətə təqdim olunacaq

BOK

04.11.2022, 19:10

Azərbaycan Milli Olimpiya Komitəsinin (MOK) yaranmasının 30 illiyi ərəfəsində müasir quruluşda hazırlanmış Olimpiya himni yaxın günlərdə ictimaiyyətə təqdim olunacaq. İlk dəfə 2002-ci ildə baş prodüser Elnur Kələntərov tərəfindən MOK-un 10 illiyi münasibətilə yaradılan və bəstəkarı Eldar Mansurov olmuş himn 20 il sonra Yaşar Baxış tərəfindən müasir üslubda aranjiman edilib. Altı ay davam edən layihədə himn Əməkdar artist Tünzalə Ağayeva, İlhamə Qasımova, Lamiyə Kərimova (Rast qrupu), Rəvanə Əmiraslanova, Zamiq Hüseynov, Ayaz Qasımov, Nadir Rüstəmli və Elnur Kələntərovun ifasında səsləndirilib. Olimpiya stadionunda tanınmış idmançıların və azarkeşlərin iştirakı ilə həyata keçirilən klip çəkilişləri artıq yekun vurulub. Ən son qrafik dizayn həlləri və müasir çəkiliş üslubları ilə hazırlanan Olimpiya Himninin klipində mötəbər idman yarışlarında parlaq qələbələri ilə üçrəngli bayrağımızın dalğalanmasına vəsilə olan idmançılarımızın arxiv kadrlarından istifadə edilib. Olimpiya himninin layihə rəhbəri Elnur Kələntərov, rejissoru Elvin Əhmədoğludur. Himnin layihə rəhbəri Elnur Kələntərov “Olimpiya dünyası” qəzetinə açıqlamasında 20 il sonra yenidən Olimpiya himninin yeni aranjeimanda hazırlanmasında payı olduğu üçün sevindiyini bildirib. “2002-ci ildə Milli Olimpiya Komitəsinin Olimpiya himninin müəllifi, layihə rəhbəriyəm. Çox xoşbəxtəm ki, bu hadisədən 20 il sonra Çingiz müəllimin rəhbərliyi ilə bu layihə yenidən mənə həvalə olundu. Milli Olimpiya Komitəmizin himninin yeni aranjimanda, Azərbaycanda analoqu olmayan ən müasir yeni qrafika ilə hazırladıq. Bu klip yaxın günlərdə ictimaiyyətə təqdim olunacaq. Çox xoşbəxtəm ki, mənim həyatımda Milli Olimpiya Komitəsi belə bir iz buraxıb və mən də bu ailənin kiçik bir üzvüyəm. Azərbaycanda Olimpiya Hərəkatının, idmanın geniş vüsət almasında mənim də az da olsa payım var”. Qeyd edək ki, Olimpiya himninin yeni üslubda hazırlanan musiqisi və klipi noyabrın 11-də MOK-un 30 illik yubileyinə həsr olunmuş tədbirdə təqdim ediləcək.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR