Bu gün İsveçrənin Nyon şəhərində UEFA Çempionlar Liqasının 1/8 final mərhələsinin püşkatma mərasimi keçiriləcək. Bakı vaxtı ilə saat 15:00-da başlayacaq mərasimdə qrup mərhələsini ilk iki pillədə başa vuran komandalar iştirak edəcəklər. Qrup birinciləri səpələnmişlər, ikinci yerin sahibləri isə səpələnməmişlər səbətində yer alacaqlar. Səpələnmişlər səbətində yer alan kollektivlər cavab oyununu evdə keçirəcəklər. Səpələnmişlər səbətində "Real Madrid" (İspaniya), "Bavariya" (Almaniya), "Benfika", "Portu" (Portuqaliya), "Çelsi", "Mançester Siti", "Tottenhem" (hamısı İngiltərə), "Napoli" (İtaliya) klubları yer alıb. "Brügge" (Belçika), "Borussiya" (Dortmund), "Ayntraxt", "Leyptsiq" (hamısı Almaniya), "İnter", "Milan" (hər ikisi İtaliya), "Liverpul" (İngiltərə) və PSJ (Fransa) klubları isə Səpələnməmişlər səbətindədir.
Qeyd edək ki, 1/8 finalın ilk oyunları fevralın 14-15-i və 21-22-də, cavab qarşılaşmaları isə martın 7-8-i və 14-15-də təşkil olunacaq.
Bu gün Çempionlar Liqasında 1/8 finalın cütlükləri müəyyənləşəcək
![Bu gün Çempionlar Liqasında 1/8 finalın cütlükləri müəyyənləşəcək ](https://olimpnews.az/uploads/img/posts/2022/11/07/Pusskjpg-1667815215.jpg)