Futbol üzrə Misli Premyer Liqasında III turdan təxirə salınmış bir oyun keçirilib. "Qarabağ" səfərdə "Turan Tovuz"la qarşılaşıb. Görüş Ağdam təmsilçisinin qələbəsi ilə yekunlaşıb - 2:0. Hesab 20-ci dəqiqədə açılıb. Meydan sahiblərindən Vüsal Məsimov avtoqol müəllifi olub. Matçın 37-ci dəqiqəsində Ovusu Kvabena fərqlənərək hesab arasındakı fərqi iki topa çatdırıb.
Qeyd edək ki, bu qələbədən sonra xallarını 39-a çatdıran "Qarabağ" liderliyini möhkəmlədib. Bu mövsüm ölkə çempionatında keçirdiyi 13 matçın hamısından qalib ayrılan Ağdam təmsilçisi ən yaxın izləyicisi "Sabah"ı 5 xal qabaqlayır. 15 xalı olan "Turan Tovuz" isə 6-cı pillədə qərarlaşıb.
"Qarabağ" liderliyini bir qədər də möhkəmləndirdi
!["Qarabağ" liderliyini bir qədər də möhkəmləndirdi](https://olimpnews.az/uploads/img/posts/2022/11/09/Qarabagggjpg-1668017742.jpg)