“WhoScored” internet portalı 2022-ci ildə Qətərdə keçirilən dünya çempionatının simvolik komandasını açıqlayıb. Argentina yığmasının hücumçusu Lionel Messi və Portuqaliya yığmasının yarımmüdafiəçisi Brunu Fernandeş 10 ballıq sistemlə ən yüksək qiymət alıblar - 8,2 bal. Qətər-2022-nin bombardiri seçilən fransalı Kilian Mbappenin performansı isə 8,0 balla qiymətləndirilib.
Qətər-2022-nin simvolik komandasının tam heyəti belədir:
Qapıçı: Voyçex Şensnı (Polşa, 7,9 xal)
Müdafiəçilər: Teo Hernandes (Fransa, 7,2), Rodri (İspaniya, 7,4), Harri Maquayr (İngiltərə, 7,4), Aşraf Hakimi (Mərakeş, 7,0)
Yarımmüdafiəçilər: Kazemiro (Braziliya, 7,5), Brunu Fernandeş (Portuqaliya, 8,2), Jud Bellinqem (İngiltərə, 7,6)
Hücumçular: Antuan Qrizmann (Fransa, 7,5), Lionel Messi (Argentina, 8,2), Kilian Mbappe (Fransa, 8,0).
