Mayın 3-də Fəvvarələr meydanında Azərbaycan Autizm Assosiasiyasının təşkilatçılıgı, Gənclər və İdman Nazirliyinin dəstəyi ilə III Autizm Festivalı keçirilib.
Festivalın keçirilməsində məqsəd Autizm sindromu haqqında cəmiyyəti maarifləndirmək və bu sahəyə diqqəti daha da artırmaqdır. Festivalda bu sahədə fəaliyyət göstərən reabilitasiya mərkəzləri və idman klubları öz fəaliyyətlərini ictimaiyyətin diqqətinə çatdırıblar.
Autizm Festivalı Təşkilat Komitəsinin sədri Elnur Məmmədli «olimpiyadunyası.com» saytına festival bərəsində məlumat verib. «Nəzərinizə çatdırım ki, ilk dəfə bu təşəbbüsü 2019-cü ildə uğurla həyata keçirə bildik. Sonrakı ildə isə festivalın keçirilməsində problemlər yarandı. Yəqin ki, xatırlayırınız, həmin vaxt bütün dünyada pandemiya hökm sürürdü. Ötən ilə də bu cür tədbiri həyat keçirməyə müvəffəq olduq. Bu festivalın keçirilməsi təşkilatçılar və ictimaiyyət tərəfindən yüksək qarşılanır. Biz də öz növbimizdə çalaşırıq ki, autizmdən əziyyət çəkən uşaqlara və onların valiydeynlərinə dəstək verək. Autizmli fərdlərin buna çox ehtiacı var. Biz, autizmin fərqindəyik, onların yanındayıq!», - deyə o bildirib.
Xatırladaq ki, tədbirin bədii hissəsində isə incəsənət nümayəndələri konsert proqramı ilə çıxış ediblər.
jpg-1735119450.jpg)
