FİFA 2026-cı ildə təşkil olunacaq futbol üzrə dünya çempionatının loqosunu təqdim edib. Beynəlxalq qrumun rəsmi tviter hesabında yer alan xəbərə görə ağ-qara rənglərdən istifadə olunan loqonun üzərində dünya kubokunun təsviri ilə yanaşı, çempionatın keçiriləcəyi il öz əksini tapıb.
Los-Anceles şəhərində təşkil olunan kubokun təqdim olunma mərasimində ali futbol qurumunun prezidenti Canni İnfantino və braziliyalı ikiqat dünya çempionu Ronaldo da iştirak ediblər.
Qeyd edək ki, 2026-cı ildə təşkil olunacaq futbol üzrə dünya çempionatına ABŞ, Kanada və Meksikada ev sahibliyi edəcək. Bu dəfəki mundialın final mərhələsində ilk dəfə olaraq 48 komanda mübarizə aparacaq.
