Sloveniyanın Maribor şəhərində Avropa Gənclər Olimpiya Festivalı çərçivəsində keçirilən şose velosipedi üzrə yarışlara yekun vurulub. Bu gün keçirilən qrup ötüşməsi üzrə yarışlarda Azərbaycan komandasının 5 üzvü mübarizə aparıb.
Qızların mübarizəsində Məryəm Əfqanzadə finişi 71-ci (01:28:29), Xədicə Nabatzadə isə 80-ci (01:32:43) keçib.
Oğlanların yarışında isə Ravi Rzayev 58-ci (01:36:05), Artyom Proskuryakov 79-cu (01:48:57), Turqut Qurbanlı isə 86-cı (01:53:59) yerlə kifayətlənib.
