Bakıda keçirilən Avropa Olimpiya Təsnifat turnirində çıxış edən sərbəst güləşçimiz Əliabbas Rzazadə növbəti görüşünə çıxıb. 57 kq çəki dərəcəsində mübarizə aparan Avropa çempionumuz 1/4 finalda türkiyəli Süleyman Atlı ilə qarşılaşıb. Rəqibini 6:0 hesabı ilə məğlub edən pəhləvanımız yarımfinala vəsiqə qazanıb. İdmançımızın rəqibi Şimali Makedoniya təmsilçisi Vladimir Yeqorov olacaq. Güləşçimiz bu görüşdə qalib gələcəyi təqdirdə Paris-2024 Yay Olimpiya Oyunlarına vəsiqə qazanacaq.
Xatırladaq ki, Ə.Rzazadə təsnifat mərhələsində italiyalı Simone Piroddu mübarizədən kənarlaşdırıb.
