Mayın 2-də Mingəçevir "Kür” Olimpiya Tədris-İdman Mərkəzində avarçəkmə üzrə keçirilən "Prezident Kuboku-2024” beynəlxalq reqatasının ikinci yarış gününə start verilib.
Ümummilli lider Heydər Əliyevin anadan olmasının 101 illik yubileyinə həsr edilən yarışın ikinci günündə komandalar 500-1500 metr məsafəyə kayak, kanoe və akademik avarçəkmə növündə mübarizə aparacaqlar.
Qeyd edək ki, mayın 3-dək davam edəcək "Prezident Kuboku-2024" beynəlxalq reqatasında 21 ölkədən 30 komanda iştirak edir.
Komandamızın aktivində hazırda bir bürünc medal var. Yeganə medalı ölkəmizə 2006-2007-ci illər təvəllüdlü idmançılar arasında 200 metr məsafəyə kayakla yarışda Amil Ramazanov qazandırıb.
"Prezident Kuboku-2024" beynəlxalq reqatasında ikinci günə start verildi
 df Emilia Alina VUC (ROU)-1443_0jpg-1715326344.jpg)
