Azərbaycan badmintonçusu Keişa Fatimə Zəhra Niderlandın Hertogenbos şəhərində keçirilən “YONEX Dutch Open” beynəlxalq turnirində gümüş medal qazanıb.
Azərbaycan Badminton Federasiyasının mətbuat xidmətindən verilən məlumata görə, o, qadın badmintonçuların şəxsi yarışında finala kimi irəliləyib. Mübarizəyə 1/16 finaldan başlayan Keişa finala gedən yolda Hindistan, Danimarka və Bolqarıstan təmsilçilərinə qalib gəlib.
Badmintonçumuz qızıl medal uğrunda keçirilən həlledici oyunda malayziyalı Kisona Selvaduraya 0:2 (14-21,16-21) hesabı ilə uduzaraq gümüş medala layiq görülüb.
