Bakıda keçirilən "AGF Trophy" beynəlxalq turniri başa çatıb. Yarışın sonuncu günündə Azərbaycan gimnastları daha iki medal əldə ediblər.
Bədii gimnastika üzrə böyüklərdən ibarət milli komandanın üzvləri Kamilla Seyidzadə top proqramında gümüş, Zöhrə Cəfərovaisə lentlərlə hərəkətlərin icrasında bürünc medal qazanıb.
Bu nəticə ilə Azərbaycan təmsilçilərinin ümumi medal sayı 14-ə çatıb.
Üç gün davam edən turnirdə 16 ölkədən 68 fərdi gimnast və 14 qrup hərəkətləri komandası iştirak edib. Azərbaycan idmançılarının qazandığı medallar ölkənin bədii gimnastika sahəsindəki uğurlarının növbəti göstəricisi olub.
3jpg-1743274653.jpg)
