Futbol üzrə Misli Premyer Liqasında XXXIV turun daha bir oyun keçirilib. Günün ilk matçında qonşu pillələrdə qərarlaşan "Kəpəz" və "Sumqayıt" komandaları qarşılaşıb. Qarşılaşma Gəncə təmsilçisinin minimal hesablı qələbəsi ilə yekunlaşıb - 1:0. Oyunda vurulan yeganə qolun müəllifi 11-ci dəqiqədə fərqlənən Rauf Hüseynli olub. O, penaltini dəqiq yerinə yetirərək komandasına qələbə qazandırıb.
Bu qələbəsən sonra xallarının sayını 32-yə çatdıran "Kəpəz" səkkizinci pilləyə yüksəlib. "Sumqayıt" isə 30 xalla 9-cudur.
