Bu gün Avstriyanın Qrats şəhərində cüdo üzrə gənclər arasında Avropa Kuboku turnirinə start veriləcək.
Olimpnews.az xəbər verir ki, komandamız yarışda yalnız qızların mübarizəsində 6 çəki dərəcəsində 8 cüdoçu ilə təmsil olunacaq.
İlk yarış günündə komandamızın dörd üzvü tatami üzərinə çıxacaq. Milli üzvlərindən Nilgün Rzayeva, Fidan Əlizadə (hər ikisi -63 kq), Pərvanə Abdullayeva (-70 kq) və Nigar Süleymanova (-78 kq) mükafatlar uğrunda yarışacaq.
Qeyd edək ki, iyunun 1-dək davam edəcək turnirdə 25 ölkədən 485 idmançı (301 oğlan, 184 qız) mübarizə aparacaq.
