Madrid "Real"ı yarımmüdafiəçisi Dani Seballosu 20 milyon avroya satmağa hazırdır.
Olimpnews.az AS nəşrinin məlumatına istinadən xəbər verir ki, ispaniyalının transferində maraqlı olan "Betis" onun qiymətini 5-10 milyon avro ilə dəyərləndirir. O da vurğulanır ki, 28 yaşlı futbolçunun illik 9 milyon avro maaş istəməsi klub rəhbərliyini heyrətləndirib.
Qeyd olunur ki, futbolçu ilə baş məşqçi Xabi Alonso ilə fikir ayrılığı yaranıb. Məlumat üçün bildirək ki, Seballos 2011-2017-ci illərdə "Betis"də çıxış edib.
2024/25 mövsümündə futbolçu "Real"ın heyətində 45 oyun keçirib və 2 məhsuldar ötürmə edib. Onun Madrid klubu ilə hazırkı müqaviləsi 2027-ci ilin iyunun sonuna qədərdir.
