Lerikdə Lənkəran-Astara Regional Gənclər və İdman İdarəsinin təşkilatçılığı sayəsində “Konstitusiya və Suverenlik İli" çərçivəsində, Vətən müharibəsində qazanılmış Zəfərin 5-ci ildönümü münasibətilə rayonda fəaliyyət göstərən ümumtəhsil məktəblərinin şagirdlərdən ibarət komandalar arasında həndbol turniri keçirilib.
Əvvəlcə Azərbaycanın ərazi bütövlüyü uğrunda canlarını qurban verən şəhidlərin əziz xatirəsi 1 dəqiqəlik sükutla anılıb.
Yarışlar V.İbrahimov adına Lerik şəhər İnteqrasiya təlimli, İnternat tipli Gimnaziyanın idman zalında keçirilib və qələbə uğrunda 5 komanda öz qüvvəsini sınayıb.
Maraqlı idman mübarizəsi şəraitində keçən turnirdə 2 saylı tam orta məktəb I yerə çıxıb. Meydan sahibləri - V. İbrahimov adına Lerik şəhər İnteqrasiya təlimli, İnternat tipli Gimnaziyanın komandası yarışın ikincisi olub. Üçüncü yeri isə E.Səfərov adına Çayrud kənd tam orta məktəbin komandası qazanıb.
Qalib komandalar Lənkəran - Astara Regional Gənclər və İdman İdarəsinin diplomlarına layiq görülüblər.
Lerikdə həndbol turniri keçirilib
jpeg-1764100723.jpeg)
