Xorvatiyanın paytaxtı Zaqrebdə gənc boksçular arasında keçirilən Avropa birinciliyinə yekun vurulub. Yarışda ölkəmiz tam heyətlə təmsil olunub. Komandamızın üzvləri 2 bürünc medala sahib çıxıblar. Azərbaycan millisinin üzvü Məsud Yusizadə (52 kq) və Məhəmmədəli Tahirov (+91 kq) yarımfinaladək yüksəliblər. Bu mərhələdə boksçularımız müvafiq olaraq bolqarıstanlı Daniel Asenov və almaniyalı Peter Kadiruya ilə mübarizədə üçüncü yeri tutublar.
