Son səkkiz ildə ilk​ məğlubiyyət

Son səkkiz ildə ilk​ məğlubiyyət

Qarışıq döyüş növləri (MMA) üzrə amerikalı idmançı Castin Getji texniki nokautla həmyerlisi Toni Ferqyusona müvəqqəti UFC çempionu adı uğrunda yarışda qalib gəlib. UFC 249 turniri ABŞ-ın Ceksonvil şəhərində keçirilib.
Yüngül çəki dərəcəsində (70.3 kg qədər) döyüş 5-ci raundda texniki nokautla yekunlaşıb. Bununla da Ferqyuson son səkkiz ildə ilk dəfə məğlub olub. Toni Ferqyuson ümumilikdə 29 döyüş keçirib, 25-də qalib gəlib, 4-də isə məğlub olub. Castin Getji 24 döyüş keçirib, 22 döyüşdə qalib gəlib və iki dəfə məğlub olub.
Turnirin növbəti döyüşü Castin Getji və Həbib Nurməhəmmədov arasında keçirilməlidir.