Danimarka millisinin yarımmüdafiəçisi Kristian Eriksendən yeni xəbər var. 29 yaşlı futbolçu yaxın günlərdə ürək əməliyyatı keçirəcək. Skandinaviyalı yarımmüdafiəçinin ürəyinə implant kardioverter-defibrilyator yerləşdiriləcək. Bu cihaz ürəyin qəfil dayanmasının qarşısını alır.
Qeyd edək ki, danimarkalı futbolçu B qurupu çərçivəsində Finlandiya ilə keçirilən matçın 10-cu dəqiqəsində qəflətən huşunu itirərək yerə yıxılmışdı. Səhhətində ciddi problem yaranan futbolçu ilkin tibbi yardımdan sonra birbaşa xəstəxanaya aparılmışdı.