Bu gün AVRO-2020-də 1/8 final mərhələsinin daha iki cütünün qalibi müəyyənləşəcək. Günün ilk oyunu Kopenhagendəki "Parken" stadionunda oynanılacaq. Burada son dünya çempionatının finalçısı Xorvatiya millisi ilə üçqat Avropa çempionu İspaniya yığması üz-üzə gələcəklər. Bakı vaxtı ilə saat 20:00-da start götürəcək oyunu türkiyəli FIFA referisi Cüneyt Çakır idarə edəcək.
Günün son matçında isə son dünya çempionu Fransa millisi 1/4 finala vəsiqə uğrunda İsveçrə ilə qarşılaşacaq. Oyun Buxarestdəki "Milli Arena"da təşkil olunacaq. Bakı vaxtı ilə saat 23:00-da start götürəcək oyunu argentinalı FİFA referisi Fernando Rapallini idarə edəcək. Fransa - İsveçrə və Xorvatiya - İspaniya oyunlarının qalibləri 1/4 finalda bir-birlərinə rəqib olacaqlar.
jpeg-1713652970.jpeg)
