“Oyundan əvvəl yarımmüdafiə xəttini bir az möhkəmləndirməyə qərar verdik. Yarımmüdafiəçilər çox çalışmalı idilər”. Bu sözləri Ukrayna millisinin baş məşqçisi Andrey Şevçenko Avro-2020-nin 1/8 finalında İsveçə qalib gəldikləri (2:1) oyundan sonra deyib. O, komandanın oyunundan razı qaldığını gizlətməyib. “Oyuna nəzarət etməyə çalışdıq. Ümumilikdə isə komandam tələb olunan tapşırıqları uğurla yerinə yetirdi. Olduqca dramatik matç keçdi. Bizi dəstəkləməyə gələn hər kəsə minnətdaram. Mənim ailəm də, övladlarım da stadionda idi. Nəticə qazanmaq arzum idi. Futbolçularımın qəhrəmanlığına görə onlara təşəkkür edirəm. Prezidentimizə minnətdaram ki, zəng edib bizə dəstək oldu. Ukraynanı sevindirdik”.
