Tofiq Bəhramov adına Respublika Stadionunda Bakı Şəhər Gənclər və İdman Baş İdarəsinin (BŞGİBİ) təşkilatçılığı ilə sərbəst və yunan-Roma güləşi üzrə Bakı şəhər çempionatı keçirilir. Yarışın birinci günündə sərbəst güləş üzrə 73 idmançı 10 çəki dərəcəsində xalça üzərinə çıxıb. Yekun nəticələrə görə, İzzət Cəfərov (57 kq), Ceyhun Allahverdiyev (61 kq), Rəşid Babazadə (65 kq), İsbər Əkbərli (70 kq), Mürşüd Hüseynov (74 kq), Fuad Yunusov (79 kq), Səbuhi Əmiraslanov (86 kq), Nəsib İsayev (92), Zəfər Əliyev (97 kq), Cavid Sadıqov (125 kq) fəxri kürsünün ən yüksək pilləsinə qalxıb.
Qeyd edək ki, bu gün yunan-Roma güləşçiləri mübarizəyə başlayacaqlar. Klassiklərimiz 10 çəki dərəcəsi üzrə yarışacaqlar.
Bakı şəhər çempionatında ən güclü sərbəst güləşçilər müəyyənləşdi
