Yanvarın 15-də şahmat üzrə ənənəvi Veyk-an Zee turnirinə start veriləcək. Niderlandda keçiriləcək yarış sayca 84-cü olacaq. 14 qrossmeysterin mübarizə aparacağı mötəbər yarışda ölkəmiz Şəhriyar Məmmədyarovla təmsil olunacaq. Dairəvi sistem üzrə keçiriləcək turnirdə şahmatçımızla yanaşı, Maqnus Karlsen (Norveç) Fabiano Karuana, Sem Şenklend (hər ikisi ABŞ) Sergey Karyakin, Daniil Dubov, Andrey Yesipenko (hamısı Rusiya), Aniş Giri, Yorden Van Forest (hər ikisi Niderland), Rixard Rapport (Macarıstan), Yan-Kşiştof Duda (Polşa) Vidit Santos, Pragnanandxa (hər ikisi Hindistan) və Nils Qrandelius (İsveç) də qalib adı uğrunda mübarizə aparacaq.
Turnirə yanvarın 30-da yekun vurulacaq.
