Almaniya "Bavariya"sının və Seneqal millisinin futbolçusu Sadio Mane Qətərdə keçiriləcək dünya çempionatında oynamayacaq.
İnformasiyanı Seneqal millisinin mətbuat xidməti yayıb.
Bundesliqada "Verder"lə matçda (6:1) aldığı zədəni sağalda bilməyən Manenin əməliyyat edildiyi bildirilib. Məlumatı Münhen klubunun da rəsmi saytı da açıqlayıb.
Qeyd edək ki, DÇ-2022 noyabrın 20-dən dekabrın 18-dək təşkil olunacaq. Seneqal yığması Niderland, Qətər və Ekvadorla birlikdə A qrupunda mübarizə aparacaq.
