Turnirin yüksək səviyyədə təşkil olunması onu deməyə əsas verir ki, Suqovuşan və Mingəçevir gələcəkdə mötəbər beynəlxalq yarışlara ev sahibliyi edə bilər. Bu ideyanın həyata keçməsi üçün Azərbaycanın mümkün namizədliyini dəstəkləyəcəyəm"
Bu sözləri jurnalistlərə Beynəlxalq Kanoe Federasiyasının prezidenti Tomas Koneçko "Prezident Kuboku-2023" beynəlxalq reqatası barədə danışarkən deyib.
T.Koneçko Azərbaycan Kanoe və Avarçəkmə Federasiyasına yarışın yüksək səviyyədə təşkilatçılığına görə təşəkkürünmü bildirib. "Düşünürəm ki, bu, ölkəniz üçün vacib olan yubileyi qeyd etmək baxımından çox yaxşı yoldur. Belə bir yarışın keçirilməsi həm Azərbaycan, həm də burada iştirak edən ölkələrin bu idman növünü təşviq etməsi üçün də önəmlidir. Suqovuşan xüsusi yerdir, çünki öz tarixi var. Azərbaycanın qısa zamanda bu bölgəni necə inkişaf etdirməsinin və su hövzəsində yarışlar üçün şərait yaratmasının şahidi oldum. Suqovuşandakı şərait beynəlxalq standartlara cavab verir. Gələcəkdə orada Dünya Kuboku kimi nüfuzlu yarışlar keçirilə bilər", - deyə Tomas Koneçko.bildirib.
