Bu gün Polşada təşkil edilən III Avropa Oyunlarına start veriləcək. Mübarizəyə ilk olaraq atletlər başlayacaqlar. İlk gündə Azərbaycanın 8 idmançısı medallar uğrunda yarışacaq. Atletika növündə Lamiyə Vəliyeva (400 metr məsafədə qaçış), Aleksis Kopello (üç təkanla tullanma), Cavid Məmmədov (400 metr məsafədə qaçış), Anna Yusupova (5000 metr məsafədə qaçış), Elman Abışov (800 metr məsafədə qaçış), Anna Skidan (çəkic atma), İlahə Quliyeva (100 metr məsafədə qaçış) və Aleksey Əliəkbərov (100 metr məsafədə qaçış) çıxış edəcəklər.
Qeyd edək ki, III Avropa Oyunları iyulun 2-dək davam edəcək.
