Azərbaycan basketbol millisi Serbiyada keçiriləcək Gimnaziadaya yollanıb

11:20 04.04.2025
40

Azərbaycanın 15 yaşadək oğlanlar və qızlardan ibarət 3x3 basketbol milliləri Serbiyada təşkil olunacaq Gimnaziadada ölkəmizi təmsil edəcək.

Azərbaycan Basketbol Federasiyasının mətbuat xidmətindən verilən məlumata görə, oğlanlardan ibarət yığmaya baş məşqçi Zaur Paşayev rəhbərlik edir. Komandanın heyətində Rəvan Məmmədyarov, Yunis Gəncəliyev, Faiq Kərimov və Tunar Hacızadə yer alıb.

Qızlardan ibarət milli isə baş məşqçi Tatyana Deniskinanın rəhbərliyi altında çıxış edəcək. Komandanın heyətində Aylin Niftəliyeva, Aylin Əkbərzadə, Nəzrin Almazova və Günel Məmmədli yer alıb.

Basketbolçularımız bu gün yarışın keçiriləcəyi Zlatobir şəhərinə yola düşüblər.

Qeyd edək ki, Serbiyada təşkil olunan Gimnaziada bu gün start götürəcək və aprelin 14-dək davam edəcək.