Üçüncü Avropa Olimpiya Komitələrinin (AOK) Koordinasiya Komissiyasında pozitiv dəyişikliyə rəhbərlik etdikdən sonra Bakı-2015 Avropa Oyunlarının Əməliyyatlar (BAOƏK) üzrə baş direktoru Cim Şerrin vəzifəsini tərk etməsi barədə qərar qəbul edib və onun Amerika Birləşmiş Ştatlarına qayıdacağı elan olunub.
Cim Şerrin yerinə bu vəzivəyə Britaniya Olimpiya Assosiasiyasının və İpsviç Şəhər Futbol Klubunun keçmiş Baş İcraçı Direktoru Saymon Kleq təyin edilib.
Qeyd edək ki, Cim Şerr təşkilata 12 ay ərzində rəhbərlik edib və bu vaxt ərzində o, innovativ və əsas diqqəti atletlər üzərində cəmləşən ilk Avropa Oyunlarının həyata keçirilməsi üçün tələb olunan planlaşdırma və təşkilati strukturları yerinə qoyub. Cim Şerr deyib: "Mən şübhə etmirəm ki, Avropa Oyunlarının gələn yay Bakı şəhərində uğurla keçirilməsi üçün təşkilatı fantastik vəziyyətdə tərk edirəm. Koordinasiya Komkitəsində son digər bir pozitiv dəyişiklikdən sonra mən hiss edirəm ki, gənc ailəmlə birlikdə daha çox vaxt keçirmək və təsis etdiyim konsalting, yarışlar və marketinq şirkəti olan 776 Marketinq-in Baş İcraçı Direktoru kimi vəzifəmə başlamaq üçün Amerika Birləşmiş Ştatlarına qayıtmağın əsl vaxtıdır.
"Bakı şəhərində olduğum vaxt ərzində mənə verdikləri dəstəyə görə Azərbaycanın Birinci Xanımı Mehriban Əliyevaya və Gənclər və İdman Naziri Azad Rəhimova təşəkkür etmək istəyirəm və əminəm ki, formalaşdırdığımız olduqca istedadlı və peşəkar kollektiv Azərbaycan və Avropanın qalan hissəsinin fəxr edəcəyi bir yarış həyata keçirəcək.”
Avropa Olimpiya Komitələrinin Prezidenti Patrik Hikki deyib: "Biz hamımız Bakı-2015 Avropa Oyunları Əməliyyatları üzrə Baş Direktor vəzifəsini yerinə yetirərkən etdiyi rəhbərliyə görə Cimə dərin minnətdarlığımızı bildiririk. Onun səyi nəticəsində innovativ və atlet yönümlü mükəmməl modelin yaradılması ilə Oyunlar AOK-un konsepsiyasının tələblərinə cavab verə bilən səviyyəyə qaldırıldı. Biz ona gələcəkdə böyük uğurlar arzulayırıq”.
Azərbaycan Gənclər və İdman Naziri, Bakı-2015 Əməliyyat Komitəsinin Baş İcraçı Direktoru Azad Rəhimov deyib: "Mən Cimə Bakıda olduğu dövr ərzində göstərdiyi peşəkarlığa, səyə və etdiyi rəhbərliyə görə təşəkkür etmək istəyirəm. Onun tövsiyələri ilə biz işimizdə böyük irəliləyişə nail olmuşuq və o, Birinci Avropa Oyunlarının nümunəsini yaratmaqda inteqral rol oynamışdır. Gələn il ilk cəlbedici Avropa Oyunlarını reallaşdıracağımız üçün biz indi hazırlıq işlərimizin növbəti mərhələsini nəzərdən keçiririk”. Azərbaycanın tarixində ilk ən böyük çox növlü idman yarışında 19 idman növü üzrə Avropadan 6000 idmançı iştirak edəcək. Bakı NOC-lar və Avropa atletlərindən ötrü qarşıdakı onilliklər üçün 20 böyük yeni və təmir olunmuş yarış obyektlərinə sərmayə yatıraraqAvropa atletləri və Azərbaycan gəncləri üçün gözəl yerlər və dünya səviyyəli obyektlər təmin edir.
Xatırladaq ki, Bakı-2015 2015-ci il iyun 12-28-də keçiriləcək. Bu, həyəcanverici və innovativ kompleks idman yarışları olmaqla qitədə ilk dəfə baş tutacaq.
2015-ci il Bakı Avropa Oyunları 19 idman növü üzrə keçiriləcək: 16-sı Olimpiya idman növü və 3-ü isə qeyri-Olimpiya idman növü. 17 yarış günü müddətində 6000-dən artıq idmançı yarışda öz qüvvəsini sınayacaq.
Bakı-2015 Avropa Oyunları həm də 8 idman növü 2016-cı il Rio-de-Janeyro Yay Olimpiya Oyunları üçün seçmə yarışlara imkan yaradacaq. Bu idman növlərinə yüngül atletika, çimərlik voleybolu, velosiped idmanı, atıcılıq, üzgüçülük, stolüstü tennis, taekvondo və triatlon daxildir.
Olimpnews.az
jpg-1720700530.jpg)
