Aprelin 11-də Gürcüstanın paytaxtı Tbilisidə ağırlıqqaldırma üzrə Avropa çempionatına start verilib. Aprelin 18-dək davam edəcək çempionatda 40-a yaxın ölkədən 232 idmançı iştirak edir. Onlardan 96-sı qadın, 136-sı kişi atletdir. Azərbaycan yığması bu çempionatda 2-si qadın olmaqla 6 idmançı ilə təmsil olunur.
Milli komandamızın üzvü, London Olimpiadasının bürünc medalçısı Valentin Xristov komandamıza ilk qızıl medalı qazandırıb. O, yekunda 295 kq (135 kq + 160 kq) nəticə göstərərək Avropa çempionu tituluna yiyələnib.
