UEFA Avropa Liqasında yeni mövsümə start verilib. Olimpnews.az saytının məlumatına görə, azərbaycanlı azarkeşlərin diqqəti "İnter”in oyununa yönəlib. Zaur Svanadzenin yetirmələri ümidləri artıqlaması ilə doğruldublar.
UEFA Avropa Liqası
I təsnifat mərhələsi, ilk oyun
"Mladost” (Serbiya) – "İnter” (Azərbaycan) - 0:3
Qollar: Skarlatake, 23; 41, Rauf Əliyev, 76
"Mladost”: 1. Nemanya Krznariç, 4. İvan Miloçeviç, 7. Saşa Yovanoviç, 14. Miloş Trifunoviç, 15. Aleksandr Peyoviç, 18. Obiara Odita, 20. Nenad Marinkoviç, 27. Vladimir Radivoyeviç, 28. Nikola Andriç, 44. Boqdan Miloşeviç, 93. Miloş Satara
Ehtiyat oyunçular: 22. Zlatko Zeçeviç, 10. Xusiddin Qafurov, 12. Nenad Qavriç, 17. İvan Pesiç, 31. Yanko Tumbaçeviç, 32. İvan Markoviç, 77. Predraq Pavloviç
Baş məşqçi: Nenad Milovanoviç
"İnter”: 1. Səlahət Ağayev, 3. Denis Silva, 4. Slavik Alxasov, 8. Nizami Hacıyev, 9. Pərdis Fərcad Azad, 10. Elnur Abdullayev, 11, Rauf Əliyev, 22. İlkin Qırtımov, 24. Fuad Bayramov, 27. Adrian Skarlatake, 33. Tərlan Quliyev
Ehtiyat oyunçular: 13. Orxan Sadıqlı, 2. Sertan Taşkın, 6. Samir Zərgərov, 7. Mirsahib Abbasov, 19. Mirshüseyn Seyidov, 65. Cabir Əmirli, 88. Məmməd Quliyev
Baş məşqçi: Zaur Svanadze
Baş hakim: Aleksey Matyunin
Baş hakimin köməkçiləri: Anton Kobzev, Aleksey Lunyov
Dördüncü hakim: Yevgeni Turbin (hamısı Rusiya)
Hakim-inspektor: Bernardino Qonzales Vaskes (İspaniya)
UEFA nümayəndəsi: Paolo Rondelli (San-Marino)
29 iyun. Luçani. "Mladost” stadionu
"İnter" matça yaxşı başlamasa da, tezliklə təşəbbüsü ələ alıb. Çox keçmədən bu üstünlük hesabda da əks olunub. Təxminən 20 dəqiqə ərzində iki cərimə zərbəsini möhtəşəm yerinə yetirən Adrian Skarlatake rəqibi şoka salıb. İlk hissə bu hesabla başa çatıb.
İkinci hissədə ənənəvi təmkinli oyununu göstərən bakılılar bir də oyunun 75-ci dəqiqəsində diqqət mərkəzinə düşüblər. Rauf Əliyev növbəti möhtəşəm qola imza atıb - 0:3.
Qeyd edək ki, cavab oyunu bir həftə sonra Bakıda keçiriləcək.
jpeg-1758050108.jpeg)
jpeg-1758139617.jpeg)
